Ikona e Parisit mbush 130 vjeç
16/05/2019 20:39
Rusia sulm masiv ndaj infrastrukturës energjetike në Ukrainë/ Miliona njerëz pa energji elektrike 28/11 18:37
Ajo është për Parisin si “Big Ben”-i për Londrën, apo Koloseumi për Romën, e të dielën, gjiganti metalik 300 metra i gjatë feston ditëlindjen e tij të 130.
Më shumë se 7 milionë njerëz e vizitojnë çdo vit Kullën “Eiffel”, që pavarësisht moshës së saj mbetet në shëndet të mirë. Por, kur ajo nisi të ndërtohej në vitin 1887 nga Gustave Eiffel, jo të gjithë e panë me admirim monolitin metalik.
Një grup intelektualësh, mes të cilëve edhe Emile Zola dhe Guy de Maupassant publikuan një letër, ku protestonin kundër ndërtimit të Kullës “Eiffel” të padobishme dhe monstruoze.
Ata e quajtën atë madje “një kolonë të urryer metali, të mbërthyer me vida’. 130-vjetori ka nisur të festohet me një spektakël dritash lazer mbrëmjen e së mërkurës.
“Zonja e hekurt” ngrihet 324 metra mbi kryeqytetin francez. Për ndërtimin e saj u angazhuan 300 deri në 450 punëtorë, që punuan dy vite, dy muaj dhe 5 ditë për ta përfunduar atë. Që nga viti 1889, Kulla “Eiffel” është vizituar nga një total prej 300 milionë vizitorësh nga e gjithë bota.
Top Channel
