Xherdan Shaqiri ‘mban në shpinë’ Baselin, shqiptari shënoi dygolësh në Europa League(VIDEO) 06/11 21:28
Buffon apo Areola? Përgjatë të gjithë këtij sezoni, trajneri Thomas Tuchel është dashur të mendojë gjatë se cilin do të zgjedhë titullar në një ndeshje a një tjetër të Paris SG. Por, alternimi i tyre duket se do të marrë fund vitin e ardhshëm.
“Nuk mund të vazhdojmë përpara kështu. Ndoshta jemi i pari klub në historinë e futbollit që e bëjmë këtë gjë. Kjo nuk është më e mundur”, kanë qenë fjalët e teknikut gjerman, të cilat tingëllojnë si një kambanë lamtumire për portierin italian, të cilit i skadon kontrata në fund të muajit qershor.
Kësisoj, e ardhmja e Buffonit duket gjithnjë e më larg Parisit. Rinovimi ende nuk i është ofruar, ndërsa fjalët e trajnerit nuk ndihmojnë aspak në dhënie shprese se diçka mund të lëvizë në këtë drejtim.
Tuchel nuk dëshiron që të shohë sërish dy “numra 1” për sezonin e ri, gjë që do ta detyronte edhe njëherë të ndante ndeshjet thuajse në mënyrë të barabartë mes tyre.
Areola ka zhvilluar 20 ndeshje në Ligue 1 dhe 3 në Champions, vetëm atëherë kur Buffon ishte i skualifikuar. Ndërkohë, Gianluigi Buffon ka luajtur 15 takime në Ligue 1 dhe 5 në Europë, përfshi edhe performancën e dobët në ndeshjen e kthimit ndaj Manchester United, që iu kushtoi parizienëve eliminimin që në fazën e 1/8-ave të finaleve.
E duke marrë në konsideratë diferencën e moshës, 41 vjeç përballë 26 vjeç, me këtë të fundit që sapo ka rinovuar deri në fund të vitit 2023, nuk është e vështirë të kuptohet se cila do të jetë preferenca e parë të teknikut gjerman, gjithnjë nëse Buffon do të qëndrojë ende në kryeqytetin francez.
Top Channel
