Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Atalanta do të jetë skuadra që bashkë me Lazion do të përballen në finalen e Kupës së Italisë, e planifikuar për mbrëmjen e 15 Majit, në Romë.
Bergamaskët mposhtën Fiorentinën me rezultatin 2-1 mbrëmjen e sotme dhe u kualifikuan me rezultatin e përgjithshëm 5-4, pasi ndeshja e parë në Firence kishte përfunduar në barazim 3-3.
Skuadra e drejtuar nga Vincenzo Montella kaloi e para në avantazh, teksa Muriel mori një pasim nga Chiesa dhe shënoi që në minutën e tretë.
Megjithatë Atalanta reagoi shpejt dhe në minutën e 14′ riktheu baraspeshën me anë të sllovenit Iliçiç, që ekzekutoi saktë një 11-metërsh.
Golin e sigurisë për Atalantën e shënoi kapiteni Gomez në minutën e 69′, me një gjuajtje nga distanca, që u grushtua keq nga portieri i Fiorentinës dhe u ndal në rrjetë.
Titullar në sfidën e sotme për Atalantën ishte edhe mbrojtësi i Kombëtares Shqiptare, Berat Gjimshiti, ndërsa Etrit Berisha e ndoqi sfidën nga stoli, por mund të ketë një duel në distancë në finale, me Thomas Strakoshën.
Top Channel
