Grupet e reja parlamentare, Soreca: Opozita të marrë pjesë në zgjedhje! Koha për dialog

“Ne shpresojmë që opozita do të marrë pjesë në zgjedhjet lokale. Ne kërkojmë që opozita të jetë prezente. Tani është koha për dialog. Opozita duhet të flasë mes vetes dhe me qeverinë në mënyrë që të kemi pjesëmarrje”, tha Soreca.

Soreca foli edhe për besimin e shqiptarëve në institucionet që merren me mbrojtjen e të dhënave personale, dhe e quajti rritjen e numrit të denoncimeve në këtë sektor si një anë pozitive e cila rrit jo vetëm besueshmërinë ndaj komisionerëve që merren me mbrojtjen e të dhënave, por ndikon pozitivisht edhe në procesin sundimit të ligjit.

“Jam shumë i nderuar që kisha të vizitojë zyrën këtu dhe të bisedoja me të gjithë personelin këtu. Kjo zyrë është shumë e rëndësishme si për vendin tuaj ashtu dhe për qytetarët. Kjo do të thotë se qytetarët e Shqipërisë tashmë janë të ndërgjegjësuar se në rast se e drejta e tyre për mbrojtjen e të dhënave personale shkelet ata kanë të drejtën të ankohen pranë institucioneve. Besoj që ju e dini se legjislacioni i BE për mbrojtjen e të dhënave personale është një ndër më të mirat. Shohim se Shqipëria po harmonizon legjislacionin e saj me atë të BE.

Ishte kënaqësi që bashkë me komisionerin ne mundëm të binim dakord për projektin e dytë të binjakëzimit të zyrave. Në Tetor të këtij viti në Tiranë do mblidhen komisionerët e mbrojtjes së të dhënave nga e gjithë bota. Mbrojtja e të dhënave është e rëndësishme për shkak se ai në vetvete ndihmon në procesin e sundimit të ligjit. Po ashtu është shumë e rëndësishme që ky legjislacion të jetë i harmonizuar me atë të BE sepse kështu edhe bashkëpunimi për sigurinë mund të ecë përpara. Prandaj nuk mund ta thkesoj sa duhet rëndësinë që ka ky legjislacion për qytetarët shqiptarë”, tha Soreca.

Top Channel