Rrëzimi i avionit në Lituani, ngrihen dyshime se mund të jetë i lidhur me sabotim 25/11 22:20
Ministri gjerman i Financave Olaf Scholz tha se udhëheqësit financiarë duhet të përdorin bisedimet në Uashington këtë javë, për të shmangur çdo përshkallëzim në mosmarrëveshjet tregtare, pasi rreziqet politike përbëjnë kërcënimin më të madh për një ekonomi botërore të ngadalësuar.
Kërcënimi i Presidentit amerikan Donald Trump këtë javë për të imponuar tarifa për 11 miliardë dollarësh në produktet e Bashkimit Evropian, duke përfshirë avionët komercialë, ka hapur një front të ri në luftën e tij tregtare globale dhe thelloi një mosmarrëveshje të gjatë transatlantike për subvencionet që rrethojnë Boeingun dhe Airbusin.
“Të gjitha palët duhet të bëjnë pjesën e tyre për të shmangur një përshkallëzim të mosmarrëveshjeve tregtare”, tha Scholz për Reuters, në një intervistë të mërkurën, përpara takimeve të pranverës, të Fondit Monetar Ndërkombëtar dhe Bankës Botërore, parashikuar për periudhën 12-14 prill.
Scholz, gjithashtu zëvendëskryetar në koalicionin qeverisës të kancelares Angela Merkel, tha se ekonomia globale po humbiste rritjen, por kishte ende rritje në Evropë dhe Gjermani dhe se problemet politike si kontestet tregtare të SHBA dhe Brexit, mund të zgjidheshin.
“Kjo është arsyeja pse bisedimet në Uashington janë kaq të rëndësishme,” tha Scholz. Ai tha gjithashtu se BE duhet të ndihmojë Britaninë të arrijë një marrëveshje për një largim të rregullt nga blloku.
“Gjithkush në Evropë shpreson se do të ketë një marrëveshje midis qeverisë dhe opozitës rreth mënyrës për të marrë një Brexit të rënë dakord”, tha Scholz.
“Është detyrë e Bashkimit Evropian të jetë e dobishme në një proces si ky, në Mbretërinë e Bashkuar”, tha Scholz. “Shpresoj që rreziku i një ‘Brexit’ pa marrëveshje është në rënie”.
Kancelarja gjermane Angela Merkel tha se ajo donte që udhëheqësit e BE të takoheshin më vonë të mërkurën për t’i dhënë Britanisë një vonesë në divorcin e saj nga blloku, por edhe për t’u siguruar që, sapo të arrihej marrëveshja për divorcin në Londër, Brexit mund të ndodhte shpejt.
Top Channel
