Arti në kohën e “AI”! Ekspozohen në Durrës veprat e artistit të njohur nga Kosova, Eshref Qahili
23/11 15:38
Kur Puccini i shkruan dashurisë, të gjithë e shohin ndryshe realitetin e jetës së përditshme. Gjërat e zakonshme apo të dhimshme të jetës, ai i vesh me një romanticitet të pashoq, duke na dhuruar grimca lumturie.
Opera e tij “La Boheme” erdhi kësaj here në Pallatin e Kongreseve, si një produksion i ri i Teatrit të Operës dhe Baletit.
Premiera e së shtunës do të pasojë edhe tri mbrëmje me radhë në këtë skenë. Me pothuaj 90 për qind të rinj në stafin realizues, me 5 trupa artistike dhe mbi 200 artistë pjesëmarrës. Ashtu siç TOB e theksoi, koncepti regjisorial iu adoptua historisë.
Të gjitha aktet kishin nga një skenografi të re, që shëmbëllente jetën boheme të Parisit në një dimër të ftohtë bohemian mes 4 artistësh.
Kjo, shoqëruar me kostumet, i dhanë mundësinë Eva Golemit, Denis Skurës, Armando Likajt, Dorina Selimajt, e të tjerë artistëve, të shprehin emocionet e epokës.
Megjithëse tragjikja është ajo që mbizotëron, kjo opera, një nga më të dashurat e kohërave, të le shijen e dashurisë së madhe. Të pakrahasueshme, të pakompromista, ashtu siç edhe arti që përshkruan Puccini është.
Top Channel
