Kore anti-shqiptare në Bukuresht/ Ndërpritet sfida Rumani-Kosovë, kapiteni Rrahmani merr lojtarët drejt dhomave të zhveshjes 15/11 23:37
“Shqipëria nuk mund të bëhet pa ndihmën e diasporës”.
Kështu deklaroi ministri Pandeli Majko në pritjen e qindra shqiptarëve që kanë mbërritur në Tiranë si pjesëmarrës në samitin e dytë të diasporës.
Mes atyre që do të përshëndesin samitin e diasporës, Pandeli Majko ka ftuar edhe Presidentin e Kosovës, Hashim Thaçi, kryetarin e BDI-së në Maqedoni, Ali Ahmeti, por pavarësisht krizës politike në Tiranë, ftesë i është dërguar edhe kryetarit të Partisë Demokratike, por Luzim Basha refuzon ftesën dhe thotë se “ne i kemi një borxh të madh diasporës, ndaj nuk mund të pranoj kurrë përdorimin e saj si fasadë nga njeriu që mbushi kampet e azilkërkuesve me 300 mijë shqiptarë duke i përzënë nga shtëpitë e tyre, ia nxiu faqen Shqipërisë me kanabisin dhe ia dorëzoi vendin oligarkëve dhe krimit”.
Lulzim Basha thotë se Shqipëria ka nevojë jetike për ndihmën dhe kontributin e diasporës.
“Unë dhe Partia Demokratike mirëpresim mbështetjen e saj dhe bashkëpunimin e ngushtë e të sinqertë për të ndërtuar në Shqipëri mundësitë, sigurinë, lirinë dhe vlerat që ata gëzojnë në vendet ku jetojnë”, përfundon Basha.
Top Channel
