Debatuan me njëri-tjetrin, vëllezërit plagosin 32-vjeçarin në Durrës! Vihen në pranga pas ngjarjes (Emrat) 23/11 20:16
Emocione të forta për aktorët dhe publikun mbizotëruan të dielën në skenën e teatrit “Migjeni” në Shkodër. Rreth 70 artistë sollën interpretime të ndryshme nga krijimtaria e muzikantit të madh, Agim Krajka.
Për rreth 2 orë, as mungesa e ngrohjes në teatër nuk e pengoi spektatorin që të mbushë sallën me duartrokitje.
Krajka erdhi me zërin e Rovena Dilos, Eneida Tarifës, Kamela Islamajt dhe Venera Lumanit, e me interpretimet e Ansamblit Kombëtar të Këngëve dhe Valleve Popullore, i cili festoi 60-vjetorin e tij.
“Mjeshtri i Madh” Agim Krajka nuk i fshehu emocionet, ashtu sikurse nuk kurseu as kritikat ndaj artistëve të rinj.
“Lemza”, “Djaloshi dhe shiu”, “Kënga e gjyshes”, “Kafe Flora burra plot” nuk munguan në sallën e mbushur plot për shfaqjen “Të gjithë e duan Krajkën”.
Top Channel
