Lufta në Ukrainë/ Shtatë të vrarë nga sulmet ruse në Sumi, mes tyre edhe fëmijë 19/11 09:49
Norvegjia do të dëbojë një diplomat polak, i cili u përplas me zyrtarë lokalë pasi Varshava nuk pranoi ta tërhiqte atë, tha ministria e jashtme norvegjeze të hënën.
Polonia tha se do të dëbonte një diplomat norvegjez në këmbim, në një grindje të rrallë midis dy vendeve që kanë lidhje të forta ekonomike.
Norvegjia kishte vendosur të dëbonte konsullin polak Slawomir Kowalski, sepse sjellja e tij nuk ishte në përputhje me statusin e tij diplomatik, tha zëdhënësja e ministrisë së jashtme.
Ajo tha se ministria kishte marrë ankesa të shumta nga zyrtarët që konsulli e kishte penguar punën e tyre.
Mediat norvegjeze thanë se Kowalski ishte përfshirë në disa raste ku qytetarët polakë po kundërshtonin vendimet e shërbimeve norvegjeze për mbrojtjen e fëmijëve.
“Ky është një vendim jashtëzakonisht i pajustifikuar”, tha zëvendëskryeministri polak Szymon Szynkowski vel Sek në Twitter. “Vendimi i vetëm i mundshëm në këtë situatë është veprimi i ndërsjellë, i cili do të kryhet menjëherë,” shtoi ai.
Ministria e jashtme e Polonisë tha në një deklaratë se një diplomat norvegjez ishte shpallur “person non grata” në Poloni, pas vendimit të Norvegjisë.
Top Channel
