“Disa shpresojnë që të jem i pakënaqur me PS”, Agron Shehaj i propozon t’i bashkohet partisë së tij, ish-ministri Arben Malaj: 8 arsyet pse refuzova 25/12 18:24
I ftuar në programin “Dua të të bëj të lumtur” mbrëmjen e sotme ishte këngëtari i njohur i shumë hiteve, Ylli Limani. Ndryshe nga herët e tjera, Ylli nuk do të surprizonte vetëm një personazh, por disa përnjëherë.
Arbana Osmani kishte ftuar në studio një grup të madh vajzash të cilat ishin fanset e tij. Ajo që do të kalonte me sukses të gjitha sfidat do të fitonte mundësinë për të darkuar me Ylli Limanin.
Në fillim Arbana përzgjodhi 5 vajza nëpërmjet një shorteu me gogla, por më pas vendosi që të merrnin pjesë të gjitha fanset që kishin ardhur në studio. Sfida e parë ishte kapja e lepujve që do t’i jepte mundësinë vajzve për të vazhduar më tej. Në sfidën e dytë fanset duhet të konsumonin qepë, por njëra prej tyre hoqi dorë akoma pa filluar.
Sfida e tretë ishte mbledhja e monedhave, brenda një kutie plot me brejtës të cilët Ylli I kishte fobi. Ndërsa në sfidën e rradhës vajzat duhet t’i bënin atij një dedikim romantik në gjuhën italiane. Sfida e fundit që vendosi fituesen e darkës lidhej me këngët e Yllit, ku fanset u testuan nëse i dinin këngët e tij.
Në fund të gjitha vajzat patën mundësinë që të takonin idhullin e tyre dhe të bënin foto me të.
Top Channel
