U rrëzua gjatë punës nga një lartësi, humb jetën në spital 61-vjeçari në Kurbin. Shpallen në kërkim pronarët e firmës dhe drejtuesi teknik 23/11 12:24
Këmbimi i ndërsjellë i akuzave mes Presidentit të Republikës dhe Kryeministrit ka vijuar edhe këtë të shtunë, e pas “gurit” të hedhur nga kreu i shtetit në mëngjes, është kundërpërgjigjur edhe kreu i qeverisë.
Edhe sot, platformat sociale të shfrytëzuara prej dy drejtuesve kanë qenë të ndryshme, presidenti në Facebook dhe kryeministri në Twitter.
Por mesazhi i kryeministrit duket se është shterues këtë herë, kur lë të kuptohet se nuk do të merret më me presidentin.
Meta, akuza Ramës: Ministria e Jashtme nuk është autoshkollë
“Mos prisni të merrem më me një pengmarrës të Kushtetutës në zyrën e Presidentit, i cili është katandisur në çizme rezervë e Doktorreshës së Shkencave”, shkruan Rama.
Sipas kryeministrit, ajo që do t’i japë fund kësaj maskarade do të jetë Gjykata Kushtetuese.
“Ndërsa vëmendja jonë do të jetë e gjitha te njerëzit dhe zero te çizmet”, përfundon komentin e tij kryeministri Rama.
Top Channel
