Berisha pa ftesë për ceremoninë e prezantimit të Wendt si ambasador i SHBA në Shqipëri, kreu i PD: Nuk jam ftuar as për mbledhjen e Këshillit të Sigurisë Kombëtare 26/09 12:57
Skema e ngjyrave
Madhësia e shkrimit
Në margjinat e Javës së Nivelit të Lartë të Asamblesë së Përgjithshme të OKB, Ministri për Evropën dhe Punët e Jashtme, Ferit Hoxha, nënshkroi në emër të Shqipërisë, Konventën e Kombeve të Bashkuara kundër Krimit Kibernetik.
Shqipëria konfirmon në këtë mënyrë angazhimin për bashkëpunim më të fortë ndërkombëtar në adresimin e një kërcënimi që prek gjithnjë e më shumë qytetarët, bizneset dhe institucionet publike.
Konventa krijon një kornizë të rëndësishme për bashkëpunim të zgjeruar ndërkombëtar, duke lehtësuar ndarjen e provave elektronike dhe duke forcuar përpjekjet kolektive për të parandaluar, hetuar dhe ndjekur penalisht krimet e rënda në hapësirën digjitale.
Ministri Hoxha deklaroi se për Shqipërinë, ndërtimi i sigurisë, qëndrueshmërisë dhe besimit në hapësirën e teknologjisë është një pjesë integrale e agjendës më të gjerë të transformimit digjital.
“Ndërsa teknologjia vazhdon të krijojë mundësi të reja për rritje dhe inovacion, ne duhet të sigurohemi që aftësia jonë për të mbrojtur ata që mbështeten në potencialin e saj, të mund të rritet paralelisht me këto zhvillime”, tha Hoxha.
“Shqipëria mbetet e përkushtuar për të punuar ngushtë me partnerët e saj ndërkombëtarë për të çuar përpara këto parime dhe për të kontribuar në një mjedis digjital më të sigurt, më të mbrojtur dhe më të besueshëm për të gjithë”, shtoi Ministri i Jashtëm.
Top Channel
