Tare e ka gati planin, një mbrojtës dhe dy lojtarë yje, çfarë do të bëjë Milani në janar përveç Fullkrug? 20/12 01:27
Nëse nuk po arrin të jetë në qendër të vëmendjes për sukseset sportive, sipas pretendimeve që kanë sportdashësit, skuadra e Flamurtarit mbetet kryefjalë e diskutueshme e futbollit shqiptar.
Javët e fundit, problematika e pagave të prapambetura prej disa muajsh bëri këdo të mendojë për një falimentim të grupit investues nga Turqia, me adimistrator Sinan Idrizin.
Ky i fundit, në një intervistë për Top Channel sqaron pozicionin e investitorëve.
“Të jeni të qetë, ne nuk kemi ndërmend të ikim e nuk kemi ikur nga investimi ynë”, tha Sinan Idrizi, administrator i Flamurtarit.
Ndërkohë, sa u përket pagave të prapambetura, Idrizi thekson se çdo gjë është brenda kontratës.
“Siç kanë marrë nga 3 rroga parapagim, kemi edhe ndonjë vonesë të prapambetur”, tha Sinan Idrizi.
Në fund, Idrizi mbyll gjithçka me një mesazh ndaj qytetarëve vlonjatë.
“Qytetarëve të Vlorës u kam kursyer 6 milionë euro nga taksat e bashkisë dhe u kam respektuar fanellën e klubin, duke mos shitur ndeshje e duke qenë korrekt. Por, nëse dikush di ta bëjë më mirë se mua, le të vijë që sot dhe unë largohem”, tha Sinan Idrizi.
Top Channel
