“Janë kaluar pritshmëritë”/ Vjeshtë e mbarë për turizmin! Në Vlorë, hotelet kanë prenotime edhe për muajin tetor
07/09 19:56
Biznesi i Kosovës është i kënaqur me taksën që Prishtina i vuri mallrave serbe, ndërkohë që Dhoma e Tregtisë së Kosovës ka kërkesa për Shqipërinë, ato janë heqja e pagesave për skanerin, terminalet dhe njohja e certifikatave fito-sanitare.
Shoqatat e biznesit në Kosovë e kanë mirëpritur vendimin e qeverisë për rritjen e taksave doganore për produktet serbe. Kryetari i Dhomës së Tregtisë dhe Industrisë së Kosovës tha se vendimi tregon se Kosova ka shtet, ndërkohë që sipas tij kjo është një mundësi e mirë dhe për bizneset shqiptare.
“I bëj apel edhe prodhuesve të Shqipërisë që ta shikojnë këtë mundësi, e të depërtojnë në tregun e Kosovës”, u shpreh Astrit Panxha, kryetar i Dhomës së Tregtisë dhe Industrisë në Kosovë
Po me çfarë mallrash mund të rrisë eksportet Shqipëria në drejtim të Kosovës?
“Produktet ushqimore është një mundësi e artë, çpor edhe ato minerare e bujqësore”, shtoi Panxha.
Në prag të mbledhjes së përbashkët të qeverive të Shqipërisë dhe Kosovës, prodhuesit e të dy vendeve kanë një sërë kërkesash për lehtësimin e tregtisë.
“Heqja e skanerit, Heqja e pagese për terminalet doganore, njohja e certifikatave dhe analizave fito-sanitare të t gjitha produkteve”, tha kryetari i Dhomës së Tregtisë dhe Industrisë në Kosovë.
Prodhuesit kërkojnë heqjen e pagesës prej 26 orë të taksës së Rrugës së Kombit për kamionët e prodhuesve shqiptarë dhe përshpejtim e procedurave doganore për të lehtësuar tregtinë.
Top Channel
