Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Gjykata e arbitrazhit sportiv ka vendosur të hedhë poshtë çdo vendim të UEFA-s kundër Milanit, duke rikthyer ekipin kuqezi në Europa lig, pas sanksionit të përkohshëm nga vetë qeveria e futbollit kontinental. Në një dosje prej 50 faqesh të zbuluar këtë të martë, dolën në dritë disa faktorë që shtynë gjykatën me seli në Lozanë, të kthejë dënimin ndaj ekipit milanez, për thyerjen e rregullave financiare.
Duke konsideruar atë që kishte ndodhur më parë me Inter, Manchester City dhe PSG, ekipi në pronësi të fondit Eliot kishte vendosur të apelonte çështjen e përjashtimit nga Europa Liga. UEFA pretendonte se çështja milaniste ishte e ndryshme nga ajo e 3 klubeve të mësipërme.
Por [problemi në lidhje me qëndrimin brenda Fair Play Financiar, nuk lidhej vetëm me bilancin negativ por edhe pasigurinë mbi rifinancimin dhe rrezikun për një ndryshim pronësie të sforcuar nga kinezët te fondi amerikan Eliot. Gjykata e Arbitrazhit vendosi në favor të kuqezinjve për shkak se plani i biznesit parashikonte pjesëmarrjen në Europa lig dhe në Champions. Kështu topi kalon në fushën e UEFA-s për një dënim alternativ, dhe dukshëm më të lehtë që nuk parashikon përjashtimin nga arena kontinentale.
KAS ka qenë shpeshherë vendimtare në çështje të bujshme që lidhin edhe futbollin shqiptar, në fillim me dhënien e 3 pikëve pas dhunës që kombëtarja pësoi në Beograd, dhe tani me dënimin 10 vjet të Skënderbeut, për trukime.
Top Channel
