Agresioni rus, Erdogan takohet me shefin e NATO-s, diskutojnë fundin e luftës në Ukrainë 25/11 20:42
Policia ka identifikuar një sozi të Ross Geller, grabitja e të cilit në një dyqan u pasua me mijëra komente “online”, e madje edhe me një mohim të yllit të “Friends”-ave, David Schwimmer.
Një postim, në të cilin bëhej apel për informacione, u bë viral, pasi përdoruesit e Facebookut vunë re se i dyshuari, që shihej në pamjet e kamerave të sigurisë duke vjedhur një arkë birrë, ngjasonte me personazhin e filmit të njohur për të gjithë.
“Jemi më shumë se të kënaqur nga reagimi, pas apelit të bërë prej nesh”, tha policia e Lancashire-t në një postim në “Twitter”.
Ajo që është më e rëndësishmja, është që arritën edhe të identifikonim personin përgjegjës.
“Një falënderim i madh për ndihmën tuaj miq”, përfundonte postimi. Fansat e shfaqjes, në fakt e kishin tejmbushur policinë e Blackpoolit me ngacmime dhe thumbime, pasi apeli i saj u bë viral me postimin e shpërndarë më shumë se 113 mijë herë.
Videoja bëri që të reagonte edhe vet aktori.
“Oficerë, ju betohem nuk jam unë. Kam alibi…unë isha në Nju Jork. Ndaj ju uroj fat të mbarë me hetimin”, shkruante Schwimmer.
Officers, I swear it wasn't me.
As you can see, I was in New York.
To the hardworking Blackpool Police, good luck with the investigation.#itwasntme pic.twitter.com/EDFF9dZoYR— schwim (@DavidSchwimmer) October 24, 2018
Vet policia e Blackpoolit konfirmoi se 23 milionë njerëz e kishin parë postimin e saj, para se ai të fshihej, ndërsa përgjigjja e Schwimmer ishte pëlqyer më shumë se 585 mijë herë.
Top Channel
Agresioni rus, Erdogan takohet me shefin e NATO-s, diskutojnë fundin e luftës në Ukrainë 
