“Martin sot na sheh nga lart”/ Qirinjtë qëndrojnë ende të ndezur në vendin ku u vra 14-vjeçari: Nuk do t’i harrojmë kurrë sytë e tu të bukur si deti 23/11 23:05
Ëndrra e madhe e Usain Bolt për t’u bërë futbollist profesionist është venitur ndjeshëm kohët e fundit.
Rekordmeni botëror i garave 100 dhe 200 m, për momentin po stërvitet me “Mariners”, madje ka shënuar edhe dy golat e tij të parë me këtë skuadër, por duket se raportet mes drejtuesve të klubit australian dhe agjentit të Bolt, Ricky Simms, janë acaruar disi.
Shkak për këtë është bërë diferenca që ekziston mes ofertës së bërë nga “Mariners” për Bolt dhe kërkesës së këtij të fundit, i cili duket se ka kërkuar një pagesë të konsiderueshme. Sipas “Mariners”, nëse një palë e tretë nuk kontribuon financiarisht në skuadër, për të do të jetë e vështirë që të plotësojë pretendimet e Bolt.
Duke parë këtë situatë, klubi australian mori vendimin për të pezulluar përkohësisht Bolt, në mënyrë që skuadra të mos humbasë përqëndrimin në prag të ndeshjes së javës së dytë të kampionatit. Nëpërmjet një komunikate, “Mariners” i ka bërë një ultimatum xhamajkanit.
“Për të evituar çdo shpërqëndrim të skuadrës për ndeshjen ndaj Melbourne City, Usain Bolt nuk do të marrë pjesë në stërvitje gjatë kësaj jave, – theksohet në komunikatën e “Mariners”. – Ai do të ribashkohet me grupin vetëm pasi të ketë nënshkruar një kontratë me klubin”.
Top Channel
