Tornitor prej 62 vitesh! Historia e 78-vjeçarit nga Vlora që e ka shndërruar një dhomë të shtëpisë në ofiçinë 12/05 20:39
Gazetarët e Top Channel me të rejat më të fundit
Personat e përfshirë në ngjarje janë takuar për të sqaruar një zënkë që ka nisur më herët, e cila ka nisur për këngëtaren Elvana Gjata, raportoi gazetari Eni Ferhati gjatë një lidhje direkte në edicionin informativ të orës 12:00 në Top Channel.
Në Spitalin Amerikan 2 është i shtruar Ervis Martinaj, i cili ka marrë një plagë në qafë. Pak më parë atij i është komunikuar edhe masa e arrestit.
Ervis Martinaj dyshohet se ka qenë i pari që ka qëlluar me armën e tij që mbante me vete.
Vrasja mbrëmë në ish-Bllok, policia zbardh ngjarjen
Gazetari Gazmend Janku raportoi se aktualisht në Spitalin e Traumës nuk është prezenca e fortë e policisë si një natë më parë, po është një numër më i reduktuar.
I plagosuri Eljon Hato i është nënshtruar një operacioni deri në 6 të mëngjesit pasi ka pasur plagët të rënda.
Mjekët s’pranojnë të prononcohen për ecurinë e të plagosurit, pasi do të jenë orët në vijim ato që do të përcaktojnë edhe gjendje e tij.
Ata janë shprehur se Eljon Hato ka dëmtime të rënda në pjesën e kokës dhe barkut.
Ndërkohë që është sqaruar edhe ngatërresa me emrin e viktimës, që në raportimin e parë doli me emrin Rigers Gaxha. Gazetarët e Top Channel bënë me dije se Fabjol Gaxha ka pasur me vete kartën e identitetit të të vëllait Rigersit, e kjo ka sjellë edhe ngatërresën fillimisht.
Top Channel
