Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Ende pa u mbyllur zyrtarisht merkatoja e kësaj vere, në shumë prej ligave të futbollit europian, shumë skuadra mendojnë për vitin e ardhshëm.
Adrien Rabiot është një objektiv i shpallur i Milanit dhe nëse këtë gusht nuk arriti dot të shkëputej nga Paris Saint Germain, mund ta bëjë, sipas mediave italiane, në 2019.
Drejtori i Përgjithëm i Milanit, Leonardo ka intensifikuar kontaktet me agjentët e futbollistit francez për ta sjellë në stadiumin San Siro me kosto zero. Lojtari i talentuar, i lindur në vitin 1995, ka një raport të mirë me brazilianin që kur ky i fundit ishte në rangjet drejtuese të PSG.
Por Adrien Rabiot do të duhet që të refuzojë rinovimin e ofruar nga kampionët e Francës, edhe pse kontrata e re është e përmirësuar dukshëm në aspektin financiar. Presidenti Al Khelaifi është optimist se nuk do ta humbasë falas, edhe pse është i dorëzuar për largimin e tij.
Milani ka një pozicion të avantazhuar për shkak të Leonardos dhe pëlqimit të Rabiot, por do të duhet të mundë konkurrencën e Juves dhe Barcelonës që ofrojnë më shumë prestigj, duke nisur nga një vend i sigurt në Ligën e Kampioneve.
Top Channel
