Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Skënderbeu dhe Partizani do të jenë sot subjekti kryesorë i diskutimit të Komisionit të Disiplinës i cili do të marrë masat në lidhje me ngjarjen e javës së parë në stadiumin e “Skënderbeut”.
Konfrontimi i tifozërive në atë masë kishte vite që nuk ndodhte duke lëkundur ndjeshëm edhe sistemin e organizimit të ndeshjeve pa policinë e shtetit në brendinë e stadiumit.
Pavarësisht akuzave të ndërsjella nëpërmjet faqeve të tyre në Facebook, skuadra më e penalizuar duket të jetë Skënderbeu, megjithatë vetëm njësia e masës ndryshon pasi të dyja skuadrat minimalisht rrezikojnë dënimin e zhvillimit të ndeshjeve pa tifozë, veç gjobës, duke përjashtuar ndryshimin e rezultatit të takimit.
Në këtë formë Skënderbeu dhe Partizani, dy nga skuadra me tifozëri relativisht të madhe në ndeshjet e tyre rrezikojnë vazhdimësinë e fazës së parë të këtij sezoni, ta luajnë pa mbështetësit e tyre, duke pësuar edhe një goditje financiare jo të vogël për këtë fillim kampionati.
Gjithsesi zbardhja e vendimit të Komisionit të Disiplinës për Skënderbeun dhe Partizanin, por edhe për çdo ngjarje tjetër të ndodhur në këtë fillim kampionati, do të bëhet pasditen e së mërkurës.
Pas tij në bazë të rregullores dhe ashtu si ka ndodhur gjithmonë, klubet do të kryejnë gjysmën e dënimit dhe më pas gjysmën e mbetur mundet ta paguajnë për një çmim prej 500.000 mijë lekësh për ndeshje.
Top Channel
