Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Merkatoja e futbollit për ekipet angleze u mbyll zyrtarisht pasditen e kësaj të enjteje, me një fushatë që mund të përkufizohet me frazën: më shumë blerje lojtarësh në objektiv dhe më pak investime të çmendura.
Krahasuar me një vit më parë, janë afro 300 milionë euro më pak të shpenzuara, e kjo për “faj” të të mëdhave që kanë investuar relativisht pak për përforcimin e ekipeve të tyre.
Këtu bën përjashtim Liverpooli, i cili ka shpenzuar shumë për ish-portierin e Romës, Alisson, sikurse edhe Chelsea, që bëri një “çmenduri” sërish për portën, duke rrëmbyer Kepa nga Athletic Bilbao, duke i bërë ata portierët më të shtrenjtë në historinë e futbollit.
Por, ajo që bie më shumë në sy është fakti që Tottenhami nuk ka regjistruar asnjë lëvizje, as blerje dhe as shitje.
Gjatë këtij sesioni veror merkatoje futbolli, klubet e Premier League kanë shpenzuar rreth 1.3 miliardë euro për përforcime, ose 300 mln euro më pak sesa vitin e kaluar.
FOTO GALERI
7/7
EKIPET E TJERA - Ndër më aktivët ka qenë Leicester, me gati 100 mln euro investime. U afruan mbrojtësi Ricardo Pereira për 22 mln euro nga Porto, si dhe fantazisti Maddison nga Norwich. West Hami ndërkohë shpenzoi thuajse dyfishin e sezonit të kaluar (99 mln euro) për të marrë ish-lacialin Felipe Anderson dhe ukrainasin Yarmolenko, sikurse edhe të afruarin me parametra zero nga Arsenali, Jack Wilshere. Evertoni rrëmbeu dy lojtarë të Barcelonës, me Yerry Mina përfundimisht për 32 mln euro dhe Andre Gomes në formë huazimi për 2.5 mln euro. Shumë kanë shpenzuar edhe tri skuadrat e sapongjitura në Premier League, Cardiff, Fulham dhe Wolverhampton. Këta të fundit, në veçanti, u forcuan në mesfushë me Joao Moutinhon dhe në sulm me Raul Jimenez, ndërsa në total “Wanderers” shpenzuan 77 mln euro. Goditja më e madhe për Fulhamin ishte Seri nga Nica, për 30 mln euro, i cili kërkohej edhe nga Barcelona.
Top Channel
