Hakerët kinezë po përgatiten për një konflikt me SHBA-në! Zyrtari i lartë amerikan: Pritet të kryejnë sulme kibernetike 23/11 07:30
Disa pjesë të Aeroportit të Frankfurtit në Gjermani u evakuuan për disa orë, pasi një familje u lejua të kalonte përtej kotrolleve të sigurisë, edhe pse rezultoi me alarm për eksploziv.
Policia federale gjermane ndaloi pasagjerët të hipnin në fluturimet e tyre, madje i nxori disa prej udhëtarëve jashtë zonës A të Terminalit 1 të aeroportit për rreth dy orë, për shkak të shqetësimeve se të paktën një person kishte hyrë pa u skanuar siç duhej.
Evacuating my terminal in the Frankfurt Airport. Nobody’s telling us anything but a bunch of Police just went in. pic.twitter.com/3Y9DdVxGg2
— Adam Miller (@TheMaxamillion) August 7, 2018
“Shkaku i evakuimit të terminalit ishte një gabim i një oficeri sigurie. Pavarësisht se kontrolli rezultoi pozitiv për eksploziv, një familje franceze prej 4 anëtarësh u lejua të largohej nga zona e sigurisë”, tha policia përmes rrjetit social “Twitter”.
Pasagjerët i përshkruan po në rrjetet sociale skenat e konfuzionit, teksa evakuoheshin nga terminali i Aeroportit të Frankfurtit, që njihet si më i ngarkuari me udhëtarë në Gjermani.
Still crazy, people are exiting. Just a bunch of confusion, fortunately no panicking. pic.twitter.com/KDEhBDRYxE
— Adam Miller (@TheMaxamillion) August 7, 2018
“Një situatë e çmendur, njerëzit vetëm dalin. Na ka kapluar konfuzioni, por fatmirësisht nuk ka panik”, shkruan Adam Miller, udhëtar.
“Familja franceze u identifikua, u mor në pyetje dhe më pas u lejua të vazhdonte udhëtimin”, njoftoi më tej policia gjermane.
Nothing like 33ºC, lots of people, low air conditioning and a security operation at Frankfurt Airport. pic.twitter.com/n5AkBmODsJ
— Rodrigo Jiménez S. (@jimenezroy) August 7, 2018
Terminali u rihap pas thuajse dy orësh dhe pasagjerët, sikurse edhe punonjësit e aeroportit dhe kompanive ajrore, u lejuan të riktheheshin në vendet e tyre të punës. Policia nuk dha asnjë detaj se çfarë e shkaktoi alarmin për eksploziv.
Rreth 1.500 fluturime ishin parashikuar të ngriheshin e zbrisnin në Aeroportin e Frankfurtit gjatë kësaj të marte, sipas operatorit zyrtar të tij “Fraport”. Ende nuk është bërë e ditur sesa fluturime u anuluan apo u shtynë si pasojë e evakuimit.
Still no info on what’s next. Frankfurt Airport pic.twitter.com/u5UO6eD8Y2
— Mark Fitzpatrick (@zuludogm) August 7, 2018
Edhe muajin e kaluar, rreth 300 fluturime u anuluan nga Aeroporti i Mynihut, i dyti më i madh i Gjermanisë, pas një incidenti të ngjashëm, në të cilin një person kaloi përmes zonës së sigurisë pa u kontrolluar me përpikmëri. Më shumë se 30 mijë pasagjerë u prekën nga ai incident.
Lexo edhe:
Evakuohen pasagjerët në aeroportin e Frankfurtit
Top Channel
