FOTO/ Nga prezantimi i motit në “Onlyfans”, modelja meksikane nuk i lë vend imagjinatës së fansave me hiret bombastike
22/11 21:42
Festivali i famshëm i “San Ferminit”, i njohur për vrapimin me dema, ka nisur në Pamplona, me sinjalin e tij tradicional të fishekzjarrëve.
E ndërsa fishekzjarrët shpërthenin, mijëra njerëz të mbledhur në festën gjigande, shpërthyen në Brohorima. Vrapi me demat, është kulmi i festës së famshme në të gjithë botën, por nëntë ditët dhe tetë netët e këtij festivali, mbushen edhe nga evente të tjera tradicionale, muzikë, pije alkoolike etj, që tërheqin rreth 1 milionë vizitorë çdo vit, në qytetin verior të Spanjës që vetë ka më pak se 200 mijë banorë.
Festivali i San Ferminit, është bërë i famshëm nga shkrimtari i madh, Ernest Heminguej, në nivelin e tij të vitit 1926 “Dielli po ashtu ngrihet”.
Për tetë mëngjese radhazi, duke filluar nga e shtuna, guximtarët do të garojnë bashkë me demat në një itinerar 850 metërsh përgjatë rrugëve të qytetit deri në arenën e ndeshjeve. Katër amerikanë dhe tre spanjollë, u lënduan vitin e shkuar pasi u goditën nga demat, ndërsa dhjetëra të tjerë po ashtu patën lëndime, kryesisht për shkak të rrëzimeve gjatë garës.
Aktivistët e të drejtave të kafshëve, e kritikojnë festivalin, dhe e quajnë atë mizor por të apasionuarit pas ndeshjeve me demat thonë se e gjithë kjo është pjesë e traditës së San Ferminit, që duhet ruajtur. Lufta me dema, mbrohet edhe nga kushtetuta e Spanjës, si pjesë e trashëgimisë kulturore të vendit.
Top Channel
