Kalimi në çerekfinale, ankth dhe delir mes tifozëve anglezë
04/07/2018 10:33
Botërori rus “shpërblen” edhe modelen bjelloruse (Foto)
27/12 23:10
Mbrëmjen e së martës, Anglia theu një tabu futbollistike. Ajo arriti të fitojë për herë të parë një ndeshje të një turneu futbollistik pas gjuajtjeve të 11-metërshave.
Në Botërorin e Rusisë, “Tre Luanët” e Gareth Southgate fituan lotarinë e penalltive kundrejt Kolumbisë, për t’u kualifikuar për në çerekfinale, duke çuar në delir të gjithë vendin ishullor.
Por, kjo ndeshje pati një pështjellim ndjenjash te tifozët anglezë, që nga minuta e parë e deri te penalltia e fundit. Harry Kane bëri që në Londër e në të gjitha qytetet angleze, me mijëra e mijëra persona të shpërthejnë në festë.
Gjithçka po shkonte për mrekulli për Anglinë, deri në momentin kur Kolumbia barazoi me Yerri Minën, duke ngrirë festën e tifozëve anglezë.
Kohët shtesë i mbajtën të gjithë në ankth, ndërsa kulmin e patën në momentin e ekzekutimit të 11-metërshave. Kjo ishte frika më e madhe e të gjithë anglezëve, por në fund fati ishte me ta.
Uribe dhe Bacca gabuan për ekipin amerikano-latin, duke u dhënë mundësinë anglezëve të shpërthejnë zyrtarisht në festë.
Top Channel
