Fotoja e dhomës së zhveshjeve të Japonisë që po bën xhiron e botës
03/07/2018 09:58
Botërori rus “shpërblen” edhe modelen bjelloruse (Foto)
27/12 23:10
Japonia u eliminua mbrëmjen e së hënës nga Botërori pasi ishte në avantazh 2-0 ndaj Belgjikës. Në minutën e fundit shtesë të takimit, kur Japonia kërkonte të shfrytëzonte një goditje këndi për të shënuar golin e fitores, u kap në kundërsulm dhe e pa veten jashtë Rusisë.
Japonezët bënë një paraqitje shumë dinjitoze në Botëror, ashtu si edhe tifozët e tyre, të cilët treguan se janë të qytetëruar duke pastruar shkallët e stadiumit pas çdo ndeshjeje, diçka e pazakontë në stadiumet evropiane.
Por, duket se këtë zakon nuk e kanë vetëm tifozët, por edhe futbollistët japonezë. Edhe pse të trishtuar për humbjen në fund, lojtarët dhe stafi teknik e lanë dhomën e zhveshjes të pastër para se të largoheshin nga aty.
Aq mirë e kishin pastruar, sa fotoja duket sikur është bërë përpara se të niste ndeshja.
Përveç kësaj, kishin lënë edhe një letër ku shkruhej “Falemnderit” në rusisht.
Top Channel
