Matematikisht në lojë, Argjentina kualifikohet nëse…

Skuadra e Sampaolit pësoi një humbje turpëruese nga Kroacia 0-3, e rrezikon seriozisht që të mos e kalojë fazën e grupeve në Botërorin e Rusisë.

Argjentina ka vetëm një pikë pas dy ndeshjeve, e do të jetë e detyruar të fitojë ndeshjen ndaj Nigerisë, por kjo mund të mos mjaftojë. Fatet e “Albiceleste”-ve do të përcaktohen sot pas ndeshjes së orës 17:00.

Nëse Islanda kalon Nigerinë, atëherë Argjentina përveçse duhet të fitojë ndaj nigerianëve me shumë gola diferencë në sfidën e fundit, do të duhet të shpresojë edhe në një humbje të Islandës ndaj Kroacisë. Nëse kjo ndodh, Argjentina e Islanda do të kenë 4 pikë dhe do të merrte vlerë golavarazhi.

Nëse ndeshja mes Islandës e Nigerisë përfundon në barazim, Argjentina duhet të fitojë me afrikanët dhe të shpresojë në një barazim ose fitore të Kroacisë ndaj Islandës.

Opsioni i fundit është edhe më i mirë për skuadrën nënkampione të botës, e ka të bëjë me humbjen e Islandës ndaj Nigerisë. Në këtë pikë, Argjentinës do t’i duhet të fitojë me shumë gola diferencë ndaj nigerianëve dhe të shpresojë që Kroacia të fitojë apo të barazojë me Islandën.

Top Channel