Rrëzimi i avionit në Lituani, ngrihen dyshime se mund të jetë i lidhur me sabotim 25/11 22:20
Kur kanë kaluar vetëm pak ditë pasi mori detyrën, kryeministri i ri i Spanjës, Pedro Sanchez hodhi poshtë mundësinë për të thirrur zgjedhje të reja të parakohshme.
Ai tha se është i bindur të vijojë me legjislativin aktual dhe se dëshironte që zgjedhjet e radhës të mbaheshin sipas planit, në vitin 2020.
“Ambicia ime është të shkoj deri në fund të mandatit dhe të thërras zgjedhjet e ardhshme në vitin 2020, ashtu siç ishin planifikuar”, tha Sanchez për TVE-në, transmetuesin publik spanjoll, në intervistën e tij të parë që kur ishte betuar.
Sanchez, i cili rrëzoi paraardhësin e tij konservator Mariano Rajoy muajin e kaluar me një mocion mosbesimi, kontrollon më pak se çerekun e vendeve në parlament.
Pikërisht për këtë arsye, shumica e analistëve në Spanjë besonin se Sanchez do të thërriste zgjedhje të reja, për të konsoliduar pozitat e tij në Parlament, por kjo lëvizje e kryeministrit të ri, befasoi jo pak.
Pedro Sanchez ka ardhur vetëm në muajin maj në pushtet, por brenda pak ditësh ka marrë shumë pikë në profilin e tij publik. Duke filluar nga qeveria me shumicën dërrmuese të përbërë nga gra dhe për të vijuar me pritjen e anijeve me emigrantë, kanë qenë disa nga veprimet e Sanchezit, që janë përshëndetur jo vetëm në Spanjë, por edhe në qarqet e BE-së.
Së fundi, kryeministri i ri ka premtuar një takim të sinqertë me kreun e rajonit të Katalonjës, dhe pranoi se ishte në favor të sjelljes së politikanëve katalanë që aktualisht janë në burg për rolin e tyre në procesin e pavarësisë.
Top Channel
