Tornitor prej 62 vitesh! Historia e 78-vjeçarit nga Vlora që e ka shndërruar një dhomë të shtëpisë në ofiçinë 12/05 20:39
Ka parkuar motoçikletën me të cilën po udhëtonte para ambienteve të një lokali që shërbente edhe si pikë bastesh.
Më pas, është futur në ambientet e brendshme të tij, ku ka nxjerrë armën automatike tip Kallashnikov dhe e ka shkrepur atë një herë, fatmirësisht pa lënduar njeri.
31-vjeçari i identifikuar si Besmir Gj., është arrestuar nga policia, pasi në orët e pasdites së kësaj të premteje qëlloi me armë në ambientet e një pike bastesh në vendin e quajtur si “Sahati” në qytetin e Vlorës.
Ndërhyrja e policisë dhe e personave të tjerë që ndodheshin brenda në lokal kanë neutralizuar 31-vjeçarin.
I riu është shoqëruar menjëherë në ambientet e policisë së Vlorës, ku po pyetet mbi shkaqet që e shtynë të ndërmerrte aktin në fjalë.
Besohet se në shënjestër të autorit ka qenë një person konkret brenda pikës së basteve. Policia ka sekuestruar armën e zjarrit dhe po heton për zbardhjen e plotë të ngjarjes.
Top Channel
