Pezullohen pedagogët e arrestuar për korrupsion
09/05/2018 10:06
Kina, sanksione ndaj 7 kompanive si kundërpërgjigje ndaj ndihmës ushtarake amerikane për Tajvanin 28/12 07:32
Dekani i Fakultetit të Shkencave Humane dhe dy pedagogët e Universitetit të Elbasanit, të arrestuar nga policia këtë të mërkurë, janë pezulluar nga detyra.
Rektori i Universitetit “Aleksandër Xhuvani” reagoi pak pas njoftimit të shpërndarë nga policia, që njoftonte arrestimin e Dekanit Albert Rista dhe pedagogëve Elvira Lumi dhe Erjola Çalja nën akuzën e korrupsionit.
“Marrë shkas nga njoftimi për shtyp i Drejtorisë Vendore të Policisë së Elbasanit, Rektori i Universitetit ka urdhëruar pezullimin e menjëhershëm nga detyra të punonjësve të mësipërm”, thuhet në njoftimin e Universitetit.
Sipas Rektorit, ky urdhër do të qëndrojë në fuqi deri në zbardhjen e plotë të ngjarjes, ndërkohë që vetë Universiteti shprehet i hapur si institucion për të bashkëpunuar me organet e drejtësisë.
Top Channel
