Sekretari i NATO-s takon Mitsotakis në Greqi, bisedime mbi luftën në Ukrainë, Rutte: Mburoja antiraketë është më e rëndësishme se kurrë 26/11 12:49
Kombet e Bashkuara i kërkojnë Donald Trumpit të mos heqë dorë nga marrëveshja me Iranin.
Sekretari i Përgjithshëm, Antonio Guterres i tha BBC-së se, përmbysja e paktit të arritur me shumë mundim në vitin 2015 bart në vetvete rrezikun real të një lufte.
“Janë kohë të vështira këto në të cilat jetojmë, – u shpreh numri një i OKB-së. – Nuk mund të heqim dorë nga ajo që duhet konsideruar si një fitore e rëndësishme diplomatike, nëse nuk na paraqitet ndonjë alternativë më e mirë”.
Shefi i Shtëpisë së Bardhë ka qenë prej kohësh kritik i paktit dhe paralajmëron largimin e Shteteve të Bashkuara prej tij, ashtu siç ka bërë edhe me nisma të tjera të paraardhësit të tij, Barack Obama.
Reagimi i Guterresit vjen pak ditë pasi Izraeli bëri publike ato që i përshkruante si “dosje sekrete bërthamore”, me të cilat e akuzoi Teheranin se i ka vazhduar në fshehtësi përpjekjet për krijimin e armëve bërthamore.
Por, çfarë thotë Irani vet? Për presidentin e tij, Hassan Rouhani, Donald Trump nuk ka asnjë të drejtë të rinegociojë marrëveshjen 7-palëshe, të cilën – siç thotë ai, – po e shkel me dashaligësi.
Republika Islamike këmbëngul se raketat e testuara prej saj nuk e kanë aftësinë e bartjes së kokave me mbushje bërthamore, ndërsa vazhdon të përsërisë se programi i saj atomik është paqësor dhe vetëm për qëllime energjetike.
Top Channel
