Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Data 1 tetor 1996 do të mbahet mend gjithmonë në futbollin anglez si dita kur Arsene Wenger, një trajner relativisht i panjohur francez, merrte zyrtarisht drejtimin e Arsenalit për të ndryshuar fatet e “topçinjve” dhe të ardhurat në arkën e tyre.
Londinezët, përgjatë dekadës së tij të parë në krye, përjetuan suksese të paprecedenta dhe zhvillonin një prej lojërave më argëtuese të futbollit. Gjithsesi, dekada e fundit, që koinçidoi edhe me lëvizjen në një stadium tërësisht të tyrin, ishte më pak fitimprurëse.
Megjithatë, Wenger mbeti i mbijetuari i vetëm mes shumë kundërshtarësh, duke arritur një rekord historik që shumëpak mund ta kishte imagjinuar asokohe. Ai është në thelb i fundit i një brezi që duket buzë “vdekjes”.
Ditët e menaxherit që qëndroi në një klub për një kohë kaq të gjatë, sigurisht që i përkasin historisë dhe aty po futen. E thënë ndryshe, Wenger është i vetmi trajner europian i niveleve maksimale që iu bashkua ekipit aktual në shekullin e XX. Por, edhe ky kapitull duket se po mbyllet, e Wenger do t’i thotë lamtumirë lidhjes 22-vjeçar me klubin nga Londra veriore, në fund të këtij sezoni.
Gjithsesi, për kuriozitet, lind pyetja: Ku kanë qenë trajnerët aktualë të Premier League, në kohën kur Wenger mori drejtimin e Arsenalit?
FOTO GALERI
10/19
Pep Guardiola (Manchester City) Ku: Barcelona Roli: Lojtar Mosha: 25. Nga fundi i vitit 1996, Guardiola ishte në kulmin e fuqive të tij. Pjesë e “ekipit të ëndrrave” të Johan Cruyff, ai ishte edhe mesfushori më i shquar i Bobby Robsonit teksa Barça konkurronte për titullin kampion.
Top Channel
