Formimi i qeverisë së re, mision i komplikuar në Itali
06/04/2018 00:28
Analiza/ Kosova në tellallët rusë dhe nevoja për strategji efikase 24/11 18:35
Presidenti i Italisë, Sergio Mattarella duket se po has më shumë vështirësi sesa pritej, në detyrën për të bindur partitë e dala nga zgjedhjet e marsit, të krijojnë qeverinë e re.
Kreu i shtetit po përballet me përçarjen e partive të koalicionit të djathtë dhe kokëfortësinë e qendrës së majtë për të dalë në opozitë, ngërç politik ky, tepër i vështirë për t’u zgjidhur.
Bisedimet formale të ndërmjetësuara nga Mattarella kanë hyrë në ditën e dytë, por këshilltarët e presidentit kanë paralajmëruar se procesi mund të zgjasë për javë të tëra, derisa të arrihet në një zgjidhje.
Liderët e partive, kur kanë lënë zyrat e Kuirinales, kanë deklaruar se nuk mund të bien dakord me kërkesat e presidentit, duke ia komplikuar edhe më shumë detyrën atij.
Top Channel
