Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Ndërsa në Londër po kërkojnë mënyrat për ta larguar nga skuadra në fund të sezonit, një vend i ri pune po hapet për italianin Antonio Conte: PSG është gati të shkarkojë trajnerin Emery dhe ti besojë skuadrën italianit.
Sipas të përditshmes franceze L’Equipe pronarët nga Qatar nuk e kanë kapërdirë ende eliminimin e radhës nga Champions dhe të fiksuar pas kupës më të rëndësishme kërkojnë njeriun e duhur për të drejtuar skuadrën. Dhe Antonio Conte është njeriu i duhur. L’Equipe ka kontaktuar vëllanë e trajnerit Conte, Gianluca, i cili ka konfirmuar se javën e ardhshme është planifikuar një takim me manaxherin e trajnerit të Chelsea-t.
Pas suksesit në vitin e parë në Londër, Conte nuk arriti të mbrojë titullin dhe marrëdhënia me klubin është ftohur shumë kohët e fundit. Kjo është shfaqur edhe nga Abramovich, ndërsa prej kohësh diskutohen emrat që mund ta zëvendësojë italianin në fund të sezonit. Edhe Conte duket i lodhur në Londër, pasi klubi nuk i është përgjigjur në merkato.
Ish-trajneri i Juves duket shumë i interesuar të provojë një eksperiencë në Paris, kur përveç përfitimit finanaciar dhe projekti sportiv është shumë ambicioz.
Top Channel
