Në eventin e organizuar pas ceremonisë së çmimeve Oscars, morën pjesë artistë të shumtë të cilët impresionuan me veshjet e tyre.

Një ndër to është aktorja Emma Watson, e cila këtë herë nuk u përfol për veshjen e saj, por për tatuazhin që ajo kishte bërë në krahun e saj, ku shkruante: Time’s Up.

Tatuazhi i yllit Harry Potter, vjen në kuadër të mbështetjes të lëvizjes Time’s Up të Hollywood, kundër ngacmimeve seksuale.

Por duket se në tatuazhin e aktores ka një gabim gjuhësor, pasi është bërë pa shenjat e sakta të pikësimit.

Në vend të Time’s Up me një apostrof në mes shkronjave ‘e’ dhe ‘s’, Emma ka shkruar thjesht Times Up.

Nuk është e qartë nëse tatuazhi i Emës është i përhershëm apo nëse ështe i përkohshëm, vetëm për ceremoninë e Oscar.

Muajin e kaluar, Emma dhuroi 1 milion paund për viktimat e ngacmimeve seksuale.

FOTO GALERI
2/2

Top Channel