Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
“Allianz Stadium” në qytetin e Torinos do të jetë arena e miqësores së luksit në futbollin europian, mes Italisë dhe Holandës.
Në pritje të emërimit të trajnerit të ri të “të kaltërve”, ka ardhur edhe zyrtarizimi i përballjes mes dy gjigantëve kontinentalë, dy mungesa të bujshme në Botërorin e kësaj vere që do të zhvillohet në Rusi.
Sfida e 4 qershorit do të jetë përballja numër 21 mes dy përfaqësueseve të spikatura, por bilanci deri më tani është në favor të formacionit të Apenineve.
“Axurrët” kanë regjistruar 9 fitore, 8 barazime dhe 3 humbje përballë “portokallinjve”. Në impiantin e kampionëve të Italisë, përfaqësuesja vendase mund të krenohet se është e pathyeshme, me fitoren ndaj Çekisë dhe barazimet ndaj Anglisë e Spanjës.
Dikur Di Biaggio i shënonte kombëtares së Holandës në ndeshje vendimtare, e madje atij i besoheshin edhe penallti përballë një gjiganti si Van der Sar. Tashmë në pankinën e “të kaltërve”, trajneri i përkohshëm mund të provojë të njëjtat emocione, nëse Federata nuk do t’i ketë gjetur zëvendësuesin deri në qershor.
Miqësorja e fundit mes dy të përjashtuarave të bujshme të Botërorit 2018 u zhvillua 28 marsin e kaluar, në Amsterdam, dhe u mbyll me fitoren e Italisë 2-1, me gola të Eder dhe Bonuccit.
Për Italinë janë programuar ndërkohë miqësore të tjera në muajin mars: më 23 ndaj Argjentinës në stadiumin e Manchesterit, si dhe më 27 mars në Londër ndaj Anglisë.
Top Channel
