Një avion i kompanisë “United Airlines”, që po fluturonte nga San Francisco drejt Hauait, u detyrua të bënte një ulje emergjence, pasi motori i tij nisi të shpërbëhej në fluturim.
Pasagjerët e avionit publikuan në rrjetet sociale video dhe foto të motorit të dëmtuar, në atë që e cilësuan si fluturimin më të frikshëm të jetës së tyre.
Drama në bordin e “Boing 777” nisi pasi u dëgjua një goditje e fortë, rreth gjysmë ore para se të ulej në Aeroportin e Honolulusë.
Pilotët dërguan me shpejtësi thirrje për ndihmë dhe kryen ulje emergjence, fatmirësisht pa asnjë pasojë për pasagjerët dhe stafin.
Një prej pasagjerëve, një inxhinier i Google i quajtur Erik Hahad, duket se e rujati mjaft mirë qetësinë, e madje e shfrytëzoi situatën edhe për humor.
Në një foto të postuar në Twitter, ku shfaqet motori i dëmtuar dhe manuali i emergjencave, ai shkruan se në manual nuk parashikohet asgjë e tillë.
Nuk është e qartë pse motori humbi mbulesën dhe disa pjesë të tij gjatë fluturimit, por autoritetet kanë nisur hetimet për të zbuluar shkakun e incidentit, që fatmirësisht përfundoi pas asnjë problem.
Top Channel
