“Serbia nuk luan dot me Kosovën”/ Deputeti gjerman, Thomas Hacker: Bisedime të reja pas zgjedhjeve
24/11 12:24
Klasa politike në Kosovë nuk po gjen dot gjuhën e përbashkët për ratifikimin në Kuvend të marrëveshjes së demarkacionit me Malin e Zi.
Një ditë më parë, Lëvizja Vetëvendojse përsëriti qëndrimin e saj të palëkundur për të mos votuar marrëveshjen e nënshkruar që në vitin 2015, madje i bëri thirrje Prokurorisë që të hetojë anëtarët e komisionit të palës kosovare për shkelje të Kushtetutës së vendit.
E nën këtë klimë, në Prishtinë do të mbërrijë të martën Kryeministri malazez, Dushko Markoviç.
KosovaPress raporton se Markoviç do të zbresë në aeroportin “Adem Jashari” rreth orës 08:00, ku do të pritet nga zv.Kryeministri Begjet Pacolli dhe ambasadori malazez në Kosovë, Ferhat Dinosha.
Markoviç do të ketë disa takime me udhëheqësit kosovarë, përfshirë Kryeministrin Ramush Haradinaj dhe kreun e Kuvendit, Kadri Veseli.
Në axhendën e publikuar nuk flitet për demarkacionin kufitar, por me gjasa kjo çështje do të shtrohet në tryezën e bisedimeve.
Top Channel
