Francesco Totti është ndjerë i “shkatërruar nga emocionet” pas tërheqjes nga futbolli i luajtur.
Nga Russia ku ndodhet për një aktivitet promovues për Finalet e Botërorit, ish-kapiteni i Romës ka folur për tërheqjen e tij nga futbolli.
“Fjalët më të rëndësishme pas tërheqjes erdhën nga familja ime: fëmijët, bashkëshortja dhe prindërit. Kur përfundon karriera sportive ndihesh i shkatërruar nga emocionet dhe është e vështirë që t’i përballosh ato. Pasi mbajta veshur për 25 vjet të njejtën fanellë dita e lamtumirës ishte pafundësisht e vështirë për mua, por jam i lumtur për atë që kam dhënë gjithë këto vite”, deklaroi për televizionin rus Totti.
“Nuk ndihem si një yll, por ndihem si një përson i zakonshëm. Në fushën e lojës jam munduar që gjithnjë të luaj në mënyrë që të kënaq tifozët dhe veten. Kam kërkuar të bëj më të mirën. Unë jam një romanist dhe të qënit pjesë e të njejtës skuadër përgjatë gjithë karrierës është një përgjegjësi e madhe, ndaj dhe jam i umtur që tifozët më vlerësojnë për këtë”, u shpeh kapiteni legjendar.
Duke qenë se po afron Kupa e Botës dhe interesi i mediave ruse ka qenë i madh të intervistojë kampionë të ndryshëm të botës, edhe Totti ka shprehur emocionet e tij për Kupën e Botës 2006.
“Ajo është ëndrra e çdo futbollisti. Padyshim trofeu më i rëndësishëm në karrierën time dhe kisha fat që arrita ta fitoj”, deklaroi Totti, që më pas u bë pjesë e batutave me gazetarët.
“Do të preferoje më shumë një gol në derbi apo një darkë me Ilary Blasin? Darka me bashkëshorten time është gjithnjë e dëshiruar, sigurisht nëse është romantike…”, përfundoi Totti.
Top Channel
