Gjykata Speciale, pendohen deputetët: Nuk e dinim se çfarë po bënim

Por një ditë më vonë, pas stuhisë së kritikave që vërshuan nga ndërkombëtarët, disa prej deputetëve pretendojnë e nuk e kanë ditur cfare po bejne. Deputeti i Nismës, Milaim Zeka flet per mashtrim. Ne profilin e tij në “Facebook”, Zeka tha se kishin menduar se do të debatonin rreth peticionit të bërë nga Ovl-Uçk për çështjen e Speciales, e prandaj kishin nënshkruar.

“Nënshkrimet ishin mbledhur me hile, dhe për qëllime krejt tjera. Kur pashë ambasadorin amerikan, dhe atë britanik atëherë po e kuptoja lojën e dikujt për ta goditur pavarësinë e Kosovës, pastaj edhe miqësinë me perëndimin”, ka shkruar ai.

Shumica e firmëtarëve ishin deputetë të koalcionit PAN- si dhe gjashtë të tjerë të komuniteteve joshqiptarë. Në mesin e tyre ishte edhe deputeti Danush Ademi. Ky i fundit nuk kishte edhe aq shumë informacione se për çfarë bëhet fjalë.

Në një prononcim për “Indeksonline”, ai tha se ka hedhur firmën duke menduar se është për të mirën e qytetarëve të Republikës. Kryesia e Kuvendit bëri dy tentativa për të shqyrtuar kërkesën e 43 deputetëve nënshkrues për një seancë të jashtëzakonshme në të cilën do të shqyrtohej projektligji për shfuqizimin e ligjit po ndërhyrja e ambasadorëve të huaj të cilët thirren në takim opozitën e përbërë nga Vetëvendosje e LDK, dhe deputetët serbë, pengoi formimin e kuorumit.

Reagimet e komunitetin ndërkombëtar ishin alarmante. Ambasadori amerikan Greg Delaui e quajti të turpshme përpjekjen; ai britanik Ruari O’Conell u shpreh i tmerruar duke paralajmëruar shkatërrim për Kosovën, ndërsa shefja e zyrës së BE-së në Kosovë, Natalya Apostolova tha se “nisma do të rrezikonte të gjithë punën e përbashkët gjatë viteve të kaluara në fushen e sundimit e ligjit dhe drejtësisë”.

Top Channel