Virusi që shkaktoi miliarda dollarë dëme, SHBA akuzon Korenë e Veriut
19/12/2017 12:05
Rusia kërcënon Perëndimin: Do të përgjigjemi “ashpër” nëse konfiskohen asetet 28/04 15:38
Shtetet e Bashkuara akuzojnë Korenë e Veriut si përgjegjëse direkte për virusin “WannaCry”, që në muajin maj infektoi kompjuterat dhe sistemet e spitaleve, biznesve dhe bankave në mbarë botën.
Besohet se nga ky virus u infektuan mbi 300 mijë kompjutera në 150 vende të ndryshme të botës, duke shkaktuar një dëm prej miliarda dollarësh. Vendi më i goditur ishte Rusia, ku infektimi çoroditi sistemin postar.
Këshilltari i Donald Trump, Thomas Bossert adresoi gishtin nga Koreja e Veriut gjatë një interviste dhënë për “Wall Street Journal”.
“Akuzat janë të bazuara mbi provat që kemi grumbulluar edhe nga qeveritë dhe partnerët tanë anembanë botës”, tha Bossert.
Kjo është hera e parë që Peniani akuzohet direkt nga Shtetet e Bashkuara si autore e virusit, ndërsa në nëntor Britania e Madhe doli me një deklaratë ku thoshte se ishte “thuajse e sigurtë” që pas sulmit fshihej vendi komunist.
Shënjestër e virusit ishin kompjuterat me sistemin Windows. Menjëherë sapo depërtonte në sistem, “WannaCry” enkriptonte (kodonte) të gjithë përmbajtjen dhe në ekran shfaqej një mesazh ku kërkohej kryerja e një pagese për të rifituar aksesin e kompjuterit.
Top Channel
