Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Atletico Madrid ka denoncuar Barcelonën në selinë e FIFA-s për “çështjen Griezmann”. Lajmi bëhet i ditur nga e përditshmja spanjolle “Marca”, që shpjegon se klubi “blaugrana” ka pasur kontakte të parregullta nga ana ligjore me sulmuesin francez, i cili është nën kontratë me “Los Colchoneros” deri në vitin 2022.
Atletico pretendon se këto kontakte përfaqësojnë një tentativë të qartë për të destabilizuar ambientin, duke parë duelin e ashpër për titull që sheh të përfshira të dyja skuadrat. Për momentin, të besuarit e Diego Simeones janë në vendin e dytë të klasifikimit, me 6 pikë më pak sesa Barça.
Antoine Griezmann ka rinovuar këtë verë kontratën e tij me Atleticon, me një klauzolë prishjeje të parakohshme të saj të fiksuar fillimisht në 200 milionë euro, e më pas e përgjysmuar në fillim të korrikut.
Barcelona është sanksionuar edhe në të kaluarën nga FIFA për disa parregullsi në transferimet e sportistëve minorenë, por edhe nga organet fiskale spanjolle në rastin e Neymarit.
Top Channel
