Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Juventusi ka triumfuar me rezultatin e pastër 0-3 në transfertën ndaj Bolognës dhe është rikthyer në vendin e dytë të renditjes. Bardhezinjtë nuk e diskutuan për asnjë moment fitoren, duke dominuar gjatë gjithë 90-minutëshit.
Pjaniç kaloi në avantazh skuadrën e Allegrit në të 27-ën, ndërsa 9 minuta më pas asistoi për Mandzukiç, që shënoi të dytin. Goli i tretë u shënua nga francezi Blaze Matuidi, që gjeti rrjetën e parë me bardhezinjtë, në minutën e 64-t.
Humbje surprizë pësoi Sampdoria, që u ndëshkua nga Sassuolo në minutat e fundit të takimit. Alesandro Matri shënoi në të 90′, duke i dhënë 3 pikët miqve, të cilët 8 minuta më parë humbën edhe një 11-metërsh me Politanon.
Walter Zenga gjeti fitoren e parë, në ndeshjen e dytë në krye të Crotones. Kjo e fundit mposhti 1-0 Chievon, në një takim ku protagonist u bë edhe qendërmbrojtësi i kuqezinjve, Arlind Ajeti, me asistin e dhënë për kroatin Budimir.
Takimi tjetër, mes Fiorentinës dhe Genoas përfundoi në barazim pa gola, ndërsa java e 17 e Serisë A do të mbyllet me sfidat Benevento-Spal dhe Atalanta-Lazio.
Top Channel
