Një komision “Hollywood”-ian kundër abuzimeve seksuale
16/12/2017 19:36
Dy muaj pas vdekjes së Liam Payne, ish e dashura e yllit të One Direction fejohet 27/12 22:33
Përfaqësuesit më të lartë të industrisë kinematografike të “Hollywood”-it e të medieve kryesore amerikane, nën udhëheqjen e producentes së “Star Wars”, krijuan një komision kundër ngacmimeve seksuale dhe për nxitjen e barazisë në vendin e punës.
Ai do të kryesohet nga Anita Hill, gruaja që guxoi të sfidonte pushtetin e Uashingtonit. Ishte ajo që prezantoi publikun me konceptin e ngacmimeve seksuale, kur dëshmoi në vitin 1991 kundër Clarence Thomas, në seancën e Senatit ku ai do të konfirmohej si gjyqtar në Gjykatën e Lartë.
“Është koha t’i jepet fund kulturës së heshtjes”, tha Hill në një deklaratë. “Ky moment na jep një mundësi të pashembullt për të sjellë ndryshime reale”.
Nismëtare është Kathleen Kenedi, presidente e “Lucasfilm” dhe producente e filmave të suksesshëm të tillë si “E.T” dhe sagave “Star Wars” e “Indiana Jones”.
Mes pjesëtarëve të Komisionit, që të premten u takua me përfaqësuesit e “Disney”, “Paramount”, “CBS” dhe “Netflix’, figurojnë emra të tjerë të mëdhenj të “Hollywood”-it e botës së biznesit, si Maria Eitel, bashkëpresidente e fondacionit “Nike”.
Drejtuesit e kinemave e medieve më të rëndësishme janë impenjuar edhe për financimin e tij. Objektivi do të jetë lufta kundër kulturës së abuzimit dhe pabarazisë së pushtetit.
Top Channel
