Zbulohet dokumenti, klubi i futbollit “Tirana” del në ankand. Ja vlera e 66% të aksioneve të 26 herë kampionëve të Shqipërisë
22/04 12:52
Skënderbeu nuk shkoi më shumë sesa barazimi pa gola ndaj Partizanit të Beogradit, mbrëmjen e së enjtes në “Elbasan Arena”, por kjo ndeshje nuk ka mbetur jashtë syrit analizues të institucionit drejtues të futbollit europian, UEFA.
Një ditë pas përfundimit të ndeshjeve të treta në grupet e Europa League, UEFA.com ka zbuluar edhe formacionin e javës, ku bie në sy veç të tjerëve edhe një futbollist shqiptar i Skënderbeut.
Bëhet fjalë për Barjam Jashanicën, mbrojtësin nga Kosova të “ujqërve të dëborës”, i cili sipas vlerësimit të UEFA-s ka grumbulluar 191 pikë. Ai është vlerësuar për kontributin e rëndësishëm teksa ekipi shqiptar ruajti të paprekur portën e tij kundrejt serbëve.
Plot 7 topa të ndërprerë, 5 duele ajrore të fituara dhe 4 pastrime zone, ishin vetëm disa nga statistikat e tij mbresëlënëse në repartin e mbrojtjes.
Sa i përket formacionit, portieri më i mirë është vlerësuar Giannis Anestis i AEK-ut të Athinës; mbrojtësit më të mirë Alberto de la Bella i Sociedadit, Cosmin Moti i Ludogoretsit, Dmitri Shomko i Astanës, dhe Jashanica i Skënderbeut; në mesfushë spikasin Emiliano Rigoni i Zenitit, Sergej Milinkoviç-Saviç i Lacios, Xabi Prieto i Sociedadid dhe Josip Iliçiç i Atalantës. Në sulm janë shquar Willian José i Sociedadid dhe Junior Kabananga i Astanës.
Top Channel
