Përndjek 16-vjeçaren e godet policinë, arrestohet shpërndarësi i picave
29/09/2017 00:00
Kandidatët për drejtues të prokurorive të Durrësit dhe Shkodrës, KLP nis procedurat për verifikimin e pasurisë së tyre 25/04 14:06
Përndoqi në mënyrë të vazhdueshme për dy javë një 16-vjeçare, të cilës i kërkonte lidhje intime, por e mitura e denoncoi dhe policia e vuri në pranga.
Kjo është historia e 26-vjeçarit Klauden Muçogllava, i cili u arrestua nga forcat e komisariat nr.6 , pasi përndiqte të miturën në zonën e ‘Unazës së Re’ në kryeqytet.
I riu punonte si shpërndarës picash dhe mësohet se shpesh herë i shkonte vajzës në shtëpi me preteksin për t’i dërguar ushqim.
E friksuar nga kjo situatë, vajza ka kërkuar ndihmën e policisë dhe uniformat blu kanë organizuar kapjen në flagrancë të të riut në shtëpinë e të miturës.
Në momentin e përballjes me policinë, Klauden Muçogllava ka kundërshtuar dhe goditur me mjete të forta efektivët, ndërsa nga kontrolli fizik atij iu gjet edhe një sasi kanabisi.
Përveç akuzës së përndjekjes, i riu akuzohet edhe për kundërshtim të punonjësit të policisë dhe prodhim e shitje narkotikesh.
Top Channel
