Gjenden të vdekur në një kamion 8 persona në SHBA
23/07/2017 00:00
Hungaria dhe Serbia pritet t’i shtrojnë tapetin e kuq udhëheqësit kinez Xi 07/05 23:18
Trupat e pajetë të 8 emigrantëve klandestinë, mes të cilëve edhe dy fëmijë, u gjetën në rimorkion e një kamioni të parkuar pranë një supermarketi në San Antonio të Teksasit.
Në kontenier policia gjeti edhe 30 persona të tjerë, 20 prej të cilëve u shtruan në spital, në gjendje të rëndë.
Shoferi i kamionit u vu në pranga dhe autoritetet kanë nisur hetimet për trafikim të qenieve njerëzore.
Shefi i policisë lokale, William McManus tha se në mjet gjendshin rreth 40 vetë. Forcat e rendit ndërhynë pas sinjalizimit nga një punonjës i supermarketit të afërt, të cilit një person që po hynte në kamion i kishte kërkuar ujë. Autoritetet besojnë se shkak i vdekjeve është bërë i nxehti brenda kontenierit dhe dehidratimi.
Top Channel
