![](https://top-channel.tv/wp-content/uploads/2024/06/moti-i-nxehte-770x433-1-752x433-1_sd-800x450.jpg)
Komisioni i KZAZ-së me numër 18 në rrethin e Bulqizës ka nisur shpërndarjen e bazës materiale për procesin zgjedhor të 25 qershorit.
Konkretisht ka nisur shpërndarja e kutitve të votimit, fletëve të votimit, vulat që do të përdoren nga komisionerët, vulat me kodet e sigurisë dhe elementë të tjerë.
Procesi i shpërndarjes së bazës materiale ka nisur nga KZAZ numër 18 drejt qendarave të votimit të njësive administrative Trebisht, Martanesh, Zerqan, Ostren, Shupenzë dhe në qytetin e Bulqizës.
Sipas kryetarit të KZAZ-së 18, Dylber Murra, procesi nuk ka hasur probleme për 56 qendrat e votimit që i përkasin rrethit të Bulqizës.
Ndërkohë, ai saktësoi se janë plotësuar të gjitha dokumentacionet për komisionerët që do të marrin pjesë në zgjedhjet e 25 qershorit.
Top Channel