Franca merr frymë. Le Pen, më pranë humbjes përfundimtare

Populistja e djathtë arriti të dielën suksesin e saj më të madh politik. Që kur mori frerët e forcës politike të themeluar nga i ati, Le Pen e ka udhëhequr “Frontin Nacional” drejt triumfit, fillimisht në zgjedhjet lokale, më pas në ato europiane, e tani në zgjedhjet presidenciale.

Mbështetësit e saj janë në qiellin e shtatë.

“Është festë për ne, sepse fituam në raundin e parë të zgjedhjeve presidenciale. Kjo ishte shumë e rëndësishme. Presim rilindjen e Francës dhe Le Peni është kandidatja e vetme, që mund të na sjellë ndryshimin”, tha Nicolas, përkrahës i Marine Le Pen.

Kundërshtarët e refuzojnë perspektivën e Le Penit në Pallatin e Elizesë.

“Vota ime për Macronin? Absolutisht, sepse idetë e tij nuk janë shumë ndryshe nga të miat. Nuk dua që Marine Le Pen të bëhet presidente e Republikës”, tha Alexis Maldgian.

Në sheshin e Bastijes në Paris, protestuesit antiqeveritarë patën një shpërthim pas shpalljes së rezultatit. Ndërkohë, në Belgjikë e Gjermani, fitorja e Macron është pasuar nga një ndjesi lehtësimi.

“Kjo ishte një katastrofë për partitë tradicionale, por është gjë shumë e mirë që fitoi Macron. Kam bindjen se do t’ia dalë edhe në raundin e dytë”, tha Stephan Schroeder.

Pasi u mësua rezultati i raundit të parë të presidencialeve franceze, Euro pësoi rritjen e saj më të madhe në 5 muaj, duke fituar terren ndaj Dollarit dhe Jenit japonez. Pozitivisht kanë reaguar edhe bursat aziatike.

Top Channel