Në ambientet e Piramidës në kryeqytet është hapur një ekspozitë e dy piktoreve të reja Edlira Bashi dhe Anila Hetoja.
Në punimet e tyre prezantohen tematika të ndryshme. Njëra sjell veshjet kombëtare në mënyrë moderne, kurse tjetra realitetin gri në veprat e së cilës mbizotërojnë ngjyrat e tokës.
“Kjo është ekspozita e dytë që ne bëjmë. Shpresojmë që të jetë po aq e bukur sa e para”, shprehen piktoret.
Të pranishëm në ekspozitë ishin shumë artdashës të fushave të ndryshme, të cilët panë nga afër punimet e këtyre dy artisteve.
Ndërkohë që ambientet tek Piramida do t’i vijnë pranë çdo artisti të ri që dëshiron të prezantojë punimet vetjake, qofshin në pikturë apo muzikë.
Top Channel
