Përplas automjetin e ambasadorit Delawie, s’ka të lënduar
01/02/2017 00:00
Eksperti evropian: Kushtëzimi i anëtarësimit të Kosovës në KiE me krijimin e Asociacionit pamundëson realizimin e të dyjave 04/05 20:52
Një ngjarje e rrallë ka ndodhur paraditen e kësaj të mërkurë në Prishtinë, teksa një automjet tip Audi është përplasur me makinën e ambasadorit amerikan Greg Delawie, në lagjen “Arbëria”.
Në vendngjarje shkuan menjëherë efektivë të Policisë së Kosovës, sipas të cilëve nuk raportohet për të lënduar, por janë shkaktuar vetëm dëme materiale.
Ambasadori Delawie ishte në një konferencë të mbajtur në Prishtinë, i shoqëruar nga drejtori i misionit të USAID-it, James Hope. Në konferencë është folur në lidhje me nisjen e partneritetit të ri për zhvillimin e ekonomisë së internetit.
Ende nuk ka informacion mbi shkaqet e këtij aksidenti, por fakti që ka ndodhur ndaj një ambasadori, për më tepër atij amerikan, i cili është ndër njerëzit më të ruajtur në Kosovë, e bën atë të pazakontë.
Top Channel
